ពូជស្រូវ ២៩តោនត្រូវបានផ្តល់ជូនប្រជាពលរដ្ឋមកពីស្រុកពួកនិងស្រុកក្រឡាញ់ដែលប៉ះពាល់ដោយភាពរាំងស្ងួត

ថ្ងៃទី៤ ខែសីហា ឆ្នាំ២០១៩ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប បានអញ្ជើញផ្តល់ពូជស្រូវដល់ប្រជាកសិករដែលរងប៉ះពាល់ និងខូចខាតដំណាំស្រូវ ដោយគ្រោះរាំងស្ងួតសម្រាប់ធ្វើការស្តារឡើងវិញ នៅក្នុងស្រុកពួក និងស្រុកក្រឡាញ់ ក្រោមអធិបតីភាពឯកឧត្តម ណៅ ធួក រដ្ឋលេខាធិការក្រួងកសិកម្ម រុក្ខាប្រមាញ់ និង នេសាទតំណាងឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ។

ការផ្តល់ពូជស្រូវនេះ មានចំនួន ២៩តោន នៃស្បៀងបម្រុងរបស់គណៈកម្មាធិការជាតិគ្រប់គ្រងគ្រោះមហន្តរាយនៃរាជរដ្ឋាភិបាល ជូនដល់ប្រជាជនចូលរួមមាន ៥៤០គ្រួសារដែលប៉ះពាល់ដោយភាពរាំងស្ងួតមកពីស្រុកពួកនិងស្រុកក្រឡាញ់នៅវត្តព្រៃជ្រូក ឃុំព្រៃជ្រូក ស្រុកពួក ខេត្តសៀបរាប។