ថ្ងៃសុក្រ១២កើតខែកត្តិកឆ្នាំកុរ ឯកស័កព.ស២៥៦៣ ត្រូវនឹងថ្ងៃទី០៨ខែវិច្ឆិកាឆ្នាំ២០១៩ លោក ទា គឹមសុទ្ធ ប្រធានមន្ទីរ បានដឹកនាំមន្ត្រីរាជការនៃមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប ចុះធ្វើការច្រូតស្រូវ នៅភូមិត្រពាំងផុង ឃុំពពេល ស្រុកសូទ្រនិគម ដើម្បីយកមកដាល់អំបុក នៅព្រឹកថ្ងៃទី០៩ ខែ វិច្ឆិកា ក្នុងកម្មវិធីអកអំបុកអបអរសារទរបុណ្យឯករាជ្យជាតិ ០៩វិច្ឆិកា និងដើម្បីចូលរួមការពារជាតិ សាសនា ព្រះមហាក្សត្រ។ ឆ្លៀតក្នុងឱកាសនោះដែល លោកប្រធានមន្ទីរ បានធ្វើការវាស់ស្ទង់ទិន្នផលស្រូវដោយធ្វើការច្រូតយកសំណាកក្នុងស្រែ ហើយជាលិទ្ធផលឃើញថា ក្នុង០១ហិកតាទទួលបានទិន្នផលជាមធ្យម២,៦៥តោន។ ក្នុងកម្មវិធីនេះមានមន្ត្រីរាជការនៃមន្ទីរកសិកម្ម និងប្រជាកសិករចំនួន៥៥នាក់ ស្រី១៦នាក់ កម្មវិធីនេះបានប្រព្រឹកទៅដោយភាពសាមគ្គី រីករាយ និងស្និតស្នាលជាទីបំផុត។