ព្រឹកថ្ងៃសុក្រ  ១០កេីត  ខែពិសាខ  ឆ្នាំជូត  ទោស័ក  ពស  ២៥៦៣  ត្រូវនឹងថ្ងៃទី០១ ខែឧសភា  ឆ្នាំ២០២០ ខណ្ឌរដ្ឋបាលព្រៃឈើសៀមរាប ដឹកនាំដោយលោកទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានរៀបចំពិធីផ្តល់សម្ភារដល់ប្រជាសហគមន៍ព្រៃឈេីនៅចំការពូជឈេីធ្នង់ចំនួន  ៣សហគមន៍  គឺ  សហគមន៍ព្រៃខ្លុង  សហគមន៍ព្រៃធ្នង់  និងសហគមន៍តាច្រាញ់  ស្ថិតក្នុងឃុំតាសៀម  ស្រុកស្វាយលើ  ខេត្តសៀមរាប  ក្រោមអធិបតីភាពដ៏ខ្ពង់ខ្ពស់របស់ ឯកឧត្តម  ង៉ាន់ ភិរុណ អភិបាលរងខេត្តសៀមរាប  តំណាងឯកឧត្តម  ទៀ  សីហា  អភិបាល  នៃគណ:អភិបាលខេត្តសៀមរាប  ព្រមទាំងមានការអញ្ជើញចូលរួមពី លោកស្នងការរង  នៃស្នងការដ្ឋាននគរបាលខេត្ត  លោកប្រធានក្រុមប្រឹក្សាស្រុកស្វាយលេី  លោក  លោកស្រី  សមាជិក  សមាជិកាក្រុមប្រឹក្សាស្រុក  លោកអភិបាលស្រុកស្វាយលេី  លោកអភិបាលរងស្រុកប្រាសាទបាគង   លោកនាយ  នាយរងខណ្ឌរដ្ឋបាលព្រៃឈេីសៀមរាប កងកម្លាំងប្រដាប់អារុធទាំង៣  តំណាងមន្ទីរបរិស្ថាន មន្រ្តីជំនាញពាក់ព័ន្ធនានា  និងតំណាងសហគមន៍ព្រៃឈេីទាំង៣។

ក្នុងពិធីនេះ  ឯកឧត្តម អភិបាលរងខេត្ត  បានមានមតិសំណេះសំណាល   ណែនាំដល់បងប្អូនប្រជាសហគមន៍អោយចូលរួមទប់ស្កាត់ជំងឺកូវី  ១៩   (COVID-19) និងណែនាំដល់សហគមន៍អោយបន្តការសហការគ្នាក្នុងការការពារព្រៃសហគមន៍ អោយបានគង់វង្ស  ដេីម្បីជាប្រយោជន៍សាធារណះ  ក៏ដូចជាការរក្សាបាននូវបរិស្ថានបៃតង ។ 

ជាមួយគ្នានោះដែរ  ឯកឧត្តមអភិបាលរង ក៏បាននាំយកអំណោយរបស់ ឯកឧត្តម ទៀ សីហា អភិបាលនៃគណៈអភិបាលខេត្ត ដែលរួមមាន វិទ្យុទាក់ទងចំនួន  ៩គ្រឿង  អាវ  ៦០  ស្លាក ហាមឈូកឆាយទន្រ្ទានដីព្រៃសហគមន៍ចំនួន ៣០០ស្លាក  និងថវិកាចំនួន ១,២០០,០០០រៀល ដោយក្នុងមួយសហគមន៍ទទួលបានវិទ្យាទាក់ទងចំនួន  ៣គ្រឿង  អាវ  ២០  ស្លាកសញ្ញាចំនួន  ១០០ស្លាក  ថវិកាចំនួន ៤០០,០០០រៀល និងបានឧបត្ថម្ភថវិកាដល់កងកម្លាំងប្រដាប់អាវុធទាំង៣ចំនួន ១ ២០០ ០០០រៀល ដោយក្នុងមួយអង្គភាពទទួលបានថវិកាចំនួន ៤០០ ០០០រៀល ព្រមទាំងបានចូលរួមដាំកូនឈេី  ចុះពិនិត្យដេីមឈេីពូជ និងថតរូប អនុស្សាវរីយ៍ផងដែរ។