ថ្ងៃសុក្រ ៧រោច ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១២ ខែមិថុនា ឆ្នាំ២០២០  លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទ និងជាប្រធានគ្រប់គ្រងកម្មវិធីASPIREខេត្តសៀមរាប លោក ព្រំ វិច ប្រធានការិយាល័យផលិតកម្ម និងបសុព្យាបាល និងលោកជឿង ស៊ីសូវិន ទីប្រឹក្សាគ្រប់គ្រងអនុកម្មវិធីនៃកម្មវិធីASPiRE បានអញ្ជើញចុះជួបសំណេះសំណាល ផ្តល់បច្ចេកទេស និងប្រគល់ពូជមាន់ ដែលជាធាតុចូលកសិកម្មដល់សមាជិកបណ្តុំអាជីវកម្មចិញ្ចឹមមាន់ក្នុងកម្មវិធីASPIRE ចំនួន ៤០គ្រួសារ (ស្ត្រី១៤នាក់) នៅឃុំខ្នាពោធិ៍ និងឃុំចាន់ ដែលគាំទ្រដោយកម្មវិធីផ្សព្វផ្សាយបច្ចេកទេសកសិកម្មដែលធន់ទៅនឹងការប្រែប្រួលអាកាសធាតុ (ASPIRE)។ កម្មវិធីនេះមានការចូលរួមពីលោកស្រី  ហេង គុណវុឌ្ឍី ប្រធានការិយាល័យកសិកម្ម ធនធានធម្មជាតិ និងបរិស្ថាន រួមទាំងសហការី មន្រ្តីជំនាញបសុព្យាបាល ភ្នាក់ងារផ្សព្វផ្សាយឃុំ និងក្រុមប្រឹក្សាឃុំ និងមន្ត្រីរបស់គម្រោងជំរុញទីផ្សារសម្រាប់កសិកម្មខ្នាតតូច (AIMS) របស់មន្ទីរពាណិជ្ជកម្មខេត្តសៀមរាប  សរុប៥០នាក់(ស្រ្តី១៧នាក់)។