វេទិកាពាក់ព័ន្ធភាគីចម្រុះ (MSP) ក្នុងបណ្ដុំអាជីវកម្មចិញ្ចឹមត្រីអណ្តែង នៅភូមិដំរីឆ្លង ឃុំខ្នាពោធិ៍ ស្រុកសូទ្រនិគម
ថ្ងៃច័ន្ទ៦រោចខែស្រាពណ៍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី១០ខែសីហា ឆ្នាំ២០២០ មន្ត្រីអនុវត្តកម្មវិធីASPIRE ស្រុកសូទ្រនិគម និងភ្នាក់ងារផ្សព្វផ្សាយឃុំ បានរៀបចំវេទិកាពាក់ព័ន្ធភាគីចម្រុះ (MSP) ក្នុងបណ្ដុំអាជីវកម្មចិញ្ចឹមត្រីអណ្តែង ក្រោមអធិបតីភាព លោកធិននី សុទ្ធី នាយរងខណ្ឌរដ្ឋបាលជលផល នៃមន្ទីរកសិកម្មរុក្ខាប្រមាញ់ និងនេសាទខេត្តសៀមរាប លោក សូ ឈឿម មេឃុំខ្នាពោធិ៍ លោកមេភូមិ អ្នកផ្តល់ធាតុចូល អ្នកប្រមូលទិញ មីក្រូហិរញ្ញវត្ថុ សមាជិកបណ្តុំអាជីវកម្មចិញ្ចឹមត្រីអណ្តែង សរុបចំនួន ៣៤នាក់ ស្រ្តី៧នាក់ រៀបចំឡើងនៅក្នុងភូមិដំរីឆ្លង ឃុំខ្នាពោធិ៍ ស្រុកសូទ្រនិគម។
វេទិកានេះធ្វើឡើងក្នុងគោលបំណង ជួយសម្របសម្រួលដើម្បីផ្ដល់ឱកាស ឲ្យភាគីនីមួយៗ រវាងអ្នកចិញ្ចឹមត្រី អ្នកប្រមូលទិញ និងអ្នកលក់ធាតុចូលជជែករៀបចំផែនផែនការ អាជីវកម្មត្រី ជាក់លាក់ដែលលើកឡើងដោយភាគី អ្នកទិញ ឬអ្នកលក់ធាតុចូល រួមទាំងបញ្ហាជួបប្រទះ និងដំណោះស្រាយត្រូវអនុវត្តបន្ត ។
លោកធិននី សុទ្ធី នាយរងខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានលើកឡើងថាចំពោះបច្ចេកទេសក្នុងការចិញ្ចឹម ឬពេលចិញ្ចឹមមានជួបបញ្ហាអ្វីមួយ សូមធ្វើការរាយការណ៍មកមន្ត្រីជំនាញជលផលតាមរយៈប្រធានបណ្តុំ ឬភ្នាក់ងារផ្សព្វផ្សាយឃុំ ដើម្បីចាត់វិធានការការពារ និងសង្គ្រោះទាន់ពេលវេលា។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម