ថ្ងៃព្រហស្បតិ៍៨រោច ខែភទ្របទ ឆ្នាំជូត ទោស័ក  ព.ស ២៥៦៤ ត្រូវនឹង ថ្ងៃទី១០ ខែកញ្ញា ឆ្នាំ២០២០ លោកប៉ែន ប៊ុនធឿន អនុប្រធានមន្ទីរ និងជាអនុប្រធានអនុកម្មវិធីASPIRE តំណាងប្រធានមន្ទីរ បានធ្វើជាអធិបតីក្នុងសិក្ខាសាលាស្តីពី “ការប្រើប្រាស់ Smart Device ក្នុងការបណ្តុះបណ្តាលដល់ភ្នាក់ងារផ្សព្វផ្សាយឃុំ នៃកម្មវិធី ASPIRE ឆ្នាំ២០២០“ មានគោលបំណងរួមគឺ ដើម្បីណែនាំអំពីពីការប្រើប្រាស់ Smart Device សំរាប់ថ្នាក់រៀននិមិត្តនៃប្រព័ន្ធសិក្សាតាមអេឡិចត្រូនិក បែប G-suite និង Google Classroom ព្រមទាំង e-learning system របស់ វិទ្យាស្ថានជាតិកសិកម្មព្រែកលៀប ។ បន្ទាប់ពីបានចូលរួមសិក្សាក្នុងសិក្ខាសាលា អ្នកចូលរួមនឹង៖ 
• យល់ដឹង Smart Device និង ការដំណើរការរបស់វា

• យល់ពីប្រព័ន្ធសិក្សា តាមអេឡិចត្រូនិក និង ថ្នាក់រៀននិមិត្ត 

• ចេះពីរបៀបចុះឈ្មោះ និងរៀបចំប្រវត្តិរូប

• ចេះពីរបៀបទាញយកអត្ថបទ និង វីដេអូសំរាប់សិក្សា

• ចេះពីរបៀបទាក់ទងគ្នា និងបញ្ជូនសារ

• ចេះពីរបៀបធ្វើការរួមគ្នាក្នុងគម្រោងតែមួយ

• ចេះពីរបៀបដាក់កិច្ចការ និងប្រឡង

• ចេះពីរបៀបបង្កើតមេរៀនថ្មី

• ចេះពីរបៀបគ្រប់គ្រងវត្តមាន

• ចេះពីរបៀបដាក់ពិន្ទុ និងវាយតម្លៃ។

សិក្ខាកាមសរុប៣១នាក់ស្រី១៤នាក់(ភ្នាក់ងារផ្សព្វផ្សាយឃុំសង្កាត់ខេត្តសៀមរាបសរុប២៦នាក់និងភ្នាក់ងារផ្សព្វផ្សាយឃុំសង្កាត់ខេត្តកែបសរុប០៥នាក់)។