ថៃ្ងពុធ​ ៧កេីត​ ខែមាឃ​ ឆ្នាំជូតទោស័កព.ស២៥៦៤​ ត្រូវនឹងថ្ងៃទី២០​ ខែមករាឆ្នាំ២០២១ លោកស្រីមុយ​ សុភេន    អនុប្រធានការិយាល័យអភិវឌ្ឃន៍សហគមន៍កសិកម្ម​ និងលោកស៊ាប​ គឹមស្រ៊ីម ជាសហការី​ បានចូលរួមធ្វើមហាសន្និបាតប្រចាំឆ្នាំសហគមន៍កសិកម្មប្រាំបួននាងនួនចាន់ស​ នៅឃុំចាន់ស ស្រុកសូទ្រនិគម​ ខេត្តសៀមរាប​ ដែលមានអ្នកចូលរួម៨០នាក់ ស្រី៥៦នាក់។

ការធ្វើមហាសន្និបាតនេះក្នុងគោលបំណងដើម្បីបូកសរុបការងារ ស្វែងរកដំណោះស្រាយបញ្ហាប្រឈមផ្សេងៗដែលកើតមានក្នុងឆ្នាំ២០២០ និងលើកទិសដៅអនុវត្តបន្ត។

តាមរបាយការណ៍របស់សហគមន៍ឆ្នាំ២០២០នេះ ទទួលប្រាក់ចំណេញសុទ្ធចំនួន ២៣​ ៤០១​ ១៤៥រៀល​ លើមុខរបរអាជីវកម្មចំនួន០២ គឺឥណទានកសិកម្មខ្នាតតូច និងផ្គត់ផ្គង់ជីគីមីកសិកម្ម ក្នុងនោះត្រូវបានបែងចែកជា៖​មូលនិធីបំរុងចំនួន២០%

មូលនិធិបណ្តុះបណ្តាលចំនួន​ ៣% មូលនិធិទ្រទ្រង់ការថ្នាក់ដឹកនាំចំនួន ៥% មូលនិធីអភិឌ្ឍន៍មុខជំនួញចំនួន ៥% មូលនិធីសម្រាប់សាងសងអាគារចំនួន ៧% ប្រាក់ចំណេញរក្សាទុកចំនួន​ ១២,៦% ប្រាក់ភាគលាភសមាជិកចំនួន ៤៧,៤% ក្នុងមួយហ៊ុនទទួលបានចំនួន ៧ ៩00រៀល។

សូមបញ្ជាក់ថា៖ សហគមន៍កសិកម្មប្រាំបួននាងនួនចាន់ស​ បានង្កើតឡើងនៅថ្ងៃទី២៩ ខែកុម្ភៈ ឆ្នាំ២០១២ ដោយមានការសម្របសម្រួលពីអង្គការអាដដា-រីដា និងមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប ដែលមានសមាជិក៦៣ នាក់ ស្រី៥៣នាក់ មានភាគហ៊ុនសរុប១២៣ហ៊ុន(១ហ៊ុន៥០ ០០០រៀល) មកពី៩ភូមិ ក្នុងឃុំចាន់ស និងដើមទុនសរុប៦ ៤៦៥ ០០០រៀល រហូតមកដល់បច្ចុប្បន្នសហគមន៍មានសមាជិកកើនឡើងដល់៣២៨នាក់ ស្រី៣០០នាក់ ភាគហ៊ុនសរុប១ ៣៩៥ហ៊ុន(១ហ៊ុន៥០ ០០០រៀល) មកពី២៤ភូមិ និងមានដើមទុនសរុប២៧៤ ៧៥៩ ៩០០រៀល។