នាព្រឹកថ្ងៃពុធ១០រោចខែចេត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៧ខែមេសា ឆ្នាំ២០២១ លោក ទា គឹមសុទ្ធប្រធានមន្ទីរកសិកម្ម រុក្ខាប្រមាញ់ និងនេសាទខេត្ត ព្រមទាំង​សហ​ការី​បាន ចុះចែកអំណោយដល់ប្រជាពលរដ្ឋក្រ១ ក្រ ២នៅឃុំជីក្រែង ចំនួន១៤ ភូមិ ស្មើនឹង៦៣៨ គ្រួសារ ក្នុងស្រុកជីក្រែង ខេត្តសៀមរាប ក្រោមអធិបតីដ៏ខ្ពង់ខ្ពស់របស់ឯកឧត្តម នាក់ ណេរ៉ុន អភិបាលរង​នៃ​គណៈ​អភិបាលខេត្តសៀមរាប លោក ពៅ ប៊ុនធឿន អភិបាលស្រុកជីក្រែង លោកស្រី ឮ ចិន្តា មេឃុំ​ជីក្រែង និងសហការីមន្ត្រីអជ្ញាធរមូលដ្នាន។ អំណោយទាំងនេះបាន​មកពីការ​ចូលរួម​បរិច្ចាកពីថ្នាក់​ដឹកនាំ មន្ត្រីរាជការ នៃមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប ម្ចាស់កសិដ្ឋាន ក្រុមហ៊ុន និង​​អាជីវករផងដែរ។

អំណោយដែលត្រូវចែកជូនដល់ប្រជាពលរដ្ឋក្រ១ ក្រ២ នៅឃុំជីក្រែងចំនួន១៤ភូមិ ស្មើនឹង​៦៣៨ គ្រួសារ ពេលនេះរួមមាន៖ ម៉ាស់ចំនួន ៧០០ប្រអប់​(១ប្រអប់មានចំនួន៥០ម៉ាស់) អាល់កុល​ចំនួន ១៤០លីត្រ សាច់មាន់ចំនួន ៦៤០ក្បាល ស្មើនឹង៦០០គីឡូក្រាម ពងមាន់ចំនួន៦ ៣៨០គ្រាប់ មីខ្លាឃ្មុំចំនួន៦ ៣៨០កញ្ចប់ ទឹកសុទ្ធចំនួន ៦៥០យួរ និងជូនដល់គណះកម្មាធិការឃុំជីក្រែង រួមមាន៖ ម៉ាស់ចំនួន៥០ប្រអប់ មីម៉ាម៉ាចំនួន១៥កេស ត្រីខកំប៉ុងចំនួន១០ យួរ និងអាល់កុលចំនួន ២០លីត្រ សម្រាប់​ទុកប្រើ​ប្រាស់ ដើម្បីចូលរួមជួយកាត់បន្ថយទុក្ខលំបាករបស់​ប្រជាពលរដ្ឋក្នុងកំឡុងពេលមានការរីករាល​ដាលនៃជំងឺកូវីត-១៩។

បន្ទាប់មកឯកឧត្តម លោកប្រធានមន្ទីរ និងលោកអភិបាលស្រុក និងសហការី បាននាំ​យក​ចង្ហាន់​ទៅប្រគេនព្រះសង្ឃដែលគង់នៅវត្តជីក្រែង ចំនួន ៣៣អង្គ ព្រមទាំងបច្ច័យ ចំនួន១០ពាន់រៀល ក្នុងមួយ​​អង្គ សម្ភារៈទ័យទាន ចំនួន៤០ស៊ង និងថវិកាចំនួន០៦លានរៀល សម្រាប់​ទិញ​ដីពង្រីក​ស្រះទឹក​ក្នុង​វត្តផងដែរ។ និងបានចុះទៅសួរសុខទុក្ខ ក្រុមការងារប្រចាំ​ការនៅព្រំប្រទល់ខេត្តសៀមរាម កំពង់ធំ ដោយបានឧបត្ថម្ភ អាល់កុលចំនួន៣០លីត្រ និងម៉ាស់ចំនួន០៣ប្រអប់ ​ដើម្បីជួយសម្រួល​ដល់​ការ​ខ្វះខាតក្នុងដំណាក់កាលបរិការ នៃជំងឺកូវីដ19 ដែលរីករាលដាលជាសហគមន៏ក្នុងព្រឹ​ត្តិកាណ៏ថ្ងៃ​ទី​២០ កុម្ភះ ២០២១នេះ។