ថ្ងៃព្រហត្បតិ៍១៤កើតខែស្រាពណ៍ ឆ្នាំខាល ចត្វាស័កព.ស២៥៦៦ ថ្ងៃទី១១ ខែសីហា ឆ្នាំ២០២២  ក្រុមការងារការិយាល័យផលិតកម្ម និងបសុព្យាបាល សហការជាមួយមន្ត្រីកសិកម្ម ធនធានធម្មជាតិ និងបរិស្ថានស្រុកអង្គរជុំ និងភ្នាក់ងារសុភាពសត្វភូមិ បានបើកវគ្គបណ្តុះបណ្តាលស្តីពី ជំងឺឆ្លងបក្សី ដែលមានកសិករចូលរួមចំនួន ៣១ នាក់/ស្រី១៧នាក់ នៅភូមិ បុស្សល្ហុង ឃុំ ដូនពេង ស្រុក អង្គរជុំ។ គោលបំណងរបស់កម្មវិធី គឺដើម្បីអោយកសិករយល់ដឹងពីជំងឺឆ្លងរបស់បក្សីសំខាន់ ជំងឺឆ្លងពីសត្វមកមនុស្ស និងពីមនុស្សមកសត្វ  ការប្រើប្រាស់ឪសថការពារនិងព្យាបាល និងវិធានការជីវិសុវត្ថិភាពពេលមានជំងឺផ្ទះឡើង។