ថ្ងៃអង្គារ ០៤ រោច ខែបុស្ស ឆ្នាំខាល ចត្វាស័កព.ស២៥៦៦ ត្រូវនឹងថ្ងៃទី ១០ ខែ មករា ឆ្នាំ២០២៣ លោកនាយផ្នែករដ្ឋបាលព្រៃឈើបន្ទាយស្រី  និងផ្នែករដ្ឋបាលព្រៃឈើជីក្រែង ព្រមទាំងសហការី បានចុះធ្វើវឌ្ឍនភាពដេប៉ូលក់ឈើគ្រប់ប្រភេទក្នុងក្រុងសៀមរាបបានចំនួន ៨ដេប៉ូ  និងរោងសិប្បកម្មបានចំនួន១១ កន្លែង ដែលមានច្បាប់អនុញ្ញាតត្រឹមត្រូវ។ ក្រុមការងារបានណែនាំដល់ម្ចាស់ដេប៉ូ និងរោងសិប្បកម្ម ឲ្យគោរពច្បាប់ស្ដីពីព្រៃឈើ និងត្រូវទិញឈើដែលមានប្រភពស្របច្បាប់ត្រឹមត្រូវ ជៀសវាងលួចទិញឈើខុសច្បាប់ ដែលអាចប្រឈមមុខមានទោស។