ថ្ងៃច័ន្ទ១៤រោច ខែផល្គុន ឆ្នាំខាល ចត្វាស័កព.ស២៥៦៦ ត្រូវនឹងថ្ងៃទី២០ ខែមីនា ឆ្នាំ២០២៣ លោកហ៊ុន រស្មី ប្រធានការិយាល័យនីតិកម្មកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានរៀបចំប្រជុំពិភាក្សាស្តីពីការផ្តល់សេវារដ្ឋបាល នៅការិយាល័យច្រកចេញចូលតែមួយក្រុង-ស្រុក លើវិស័យកសិកម្ម  រុក្ខាប្រមាញ់  និងនេសាទ  ក្រោមអធិបតីភាពលោកទា  គឹម សុទ្ធ  ប្រធានមន្ទីរកសិកម្ម រុក្ខាប្រមាញ់ និងនេសាទ  មានការអញ្ជើញចូលរួមមាន  អភិបាលនៃគណៈអភិបាលស្រុក  អភិបាលរងស្រុក   នាយករដ្ឋបាល  ប្រធានច្រកចូលតែមួយប្រធានការិយាល័យ កសិកម្ម  ធនធានធម្មជាតិ  និងបរិស្ថាន  ទាំង១២ក្រុង -ស្រុក   រួមនឹងអ្នកពាក់ព័ន្ធនានា។ កិច្ចប្រជុំពិភាក្សានេះ   រៀបចំ ឡើងក្នុងគោលបំណង ផ្តោតសំខាន់លើនីតិវិធីការណែនាំ លើគំរូពាក្យស្នើសុំលិខិតអនុញ្ញាតគំរូ លិខិតអនុញ្ញាត  កម្រៃ សេវា លិខិតអនុញ្ញាត  និងសុពលភាពលិខិតអនុញ្ញាតថ្នាំកសិកម្ម  និងជីកសិកម្ម ។  អ្នកចូលរួមសរុប ៥៤នាក់  ស្រី ១៤នាក់ កម្មវិធីនេះប្រព្រឹត្តិ ទៅនៅសាលប្រជុំមន្ទីរកសិកម្ម  រុក្ខាប្រមាញ់  និងនេសាទ ខេត្តសៀមរាប ។