ព្រឹកថ្ងៃព្រហស្បតិ៍ ៥រោច ខែ ជេស្ឋ ឆ្នាំថោះ បញ្ចស័កព.ស២៥៦៧ ត្រូវនឹងថ្ងៃទី ០៨ ខែមិថុនា ឆ្នាំ២០២៣ លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោកព្រំ វិច ប្រធានការិយាល័យផលិតកម្ម និងបសុព្យាបាល បានចូលរួមប្រជុំជាមួយឯកឧត្តមគណៈប្រតិភូក្រសួងកសិកម្ម រុក្ខាប្រមាញ់ និងនេសាទ,គណៈប្រតិភូនៃសាធារណៈរដ្ឋប្រជាមានិតចិន (GACC),តំណាងគយនៃព្រះរាជាណាចក្រកម្ពុជា និងតំណាងអង្គការ UNIDO អំពីការធ្វើពាណិជ្ជកម្មផលិតផលកសិកម្មក្នុងខេត្តសៀមរាប ដូចជា ផ្លែឈើចំនួន៦មុខ,សំបុកត្រចៀកកាំ,ផលិតផលគ្រាប់ស្វាយចន្ទី,សាច់,ក្រពើ,ត្រី,ខ្លឹមច័ន្ទ…នាំចូលប្រទេសចិន ព្រមទាំងពិភាក្សាកំណត់ហេតុនៃកិច្ចព្រមព្រៀង  នៅសណ្ឋាគារសុខាអូតែល ខេត្តសៀមរាប។

រសៀលថ្ងៃដដែលលោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់និងនេសាទ លោក ធិននី សុទ្ធី បាយរីខណ្ឌរដ្ឋបាលជលផលសៀមរាប និងសហការី បាន
ចុះជូនឯកឧត្តមអនុរដ្ឋមន្ត្រី និងជាអនុប្រធានអគ្គរដ្ឋបាលគយចិន(ការិយាល័យហុងកុង ម៉ាកាវ និងតៃវ៉ាន់) ដើម្បីជុំរុញកិច្ចសហប្រតិបត្តិការគយ ការត្រួតពិនិត្យផលិតផលកសិកម្ម និងចំណីអារហាររវាងកម្ពុជានិងចិន នៅកសិដ្ឋានរដ្ឋាដា ស្តិតនៅភូមិព្រៃក្រូច សង្កាត់ក្របីរៀល ក្រុងសៀមរាប សមាសភាពចូលរួម ៣២នាក់ ស្រ្តី ៥នាក់។