ថ្ងៃពុធ ០៣រោច ខែបឋមាសាឍ ឆ្នាំថោះ បញ្ចស័កព.ស២៥៦៧ ត្រូវនឹងថ្ងៃទី០៥ ខែកក្កដា ឆ្នាំ២០២៣ ឯកឧត្តម អ៊ឹង គឹមលាង   អភិបាលរងនៃគណៈអភិបាលខេត្តសៀមរាប    លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់និងនេសាទ និងសហការី  បានចូលរួមពិធីលែងកូនត្រី និងដាំកូនឈើជុំវិញស្រះជំរកត្រីត្រពាំងខ្នារកន្រ្តាំង   ដែលស្ថិតនៅភូមិខ្ចាស់ ឃុំខ្ចាស់ ស្រុកសូទ្រនិគម ដោយមានការចូលរួមពី  លោកជា ចាន់ថេង  អភិបាលរងស្រុកសូទ្រនិគម  និងលោក  លោកស្រីប្រធានការិយាល័យចំណុះនិងអង្គភាពជំនាញជុំវិញស្រុក   ជាមួយនិងប្រជាសហគមន៍នេសាទ   លោកគ្រូ អ្នកគ្រូ   និងសិស្សានុសិស្ស សរុបអ្នកចូលរួមចំនួន ៣៥០ នាក់ ស្រ្តីចំនួន ១៧០ នាក់ ។   កូនត្រីដែលត្រូវប្រលែងមានចំនួន ១២ ៥០០ កូន (ត្រីឆ្ពិនចំនួន ៦ ០០០កូន,ត្រីប្រាចំនួន២ ០០០ កូន ,ត្រីក្រាញ់ចំនួន ២ ០០០កូន ,ត្រីអណ្តែងចំនួន ២ ០០០កូន,ត្រីរ៉ស់ចំនួន ៥០០កូន) និងដាំកូនឈើព្រៃលិចទឹកចំនួន ១០០ ដើម ( កូនដើមរាំង និងកូនដើមរំដេញ )។

បន្ទាប់មកលោកទា គឹមសុទ្ធ ប្រធានមន្ទីរ និងលោក ធិននី សុទ្ធី នាយខណ្ឌរដ្ឋបាលជលផលខេត្តសៀមរាប បានបន្តជូនដំណើរឯកឧត្តម អ៊ឹង គឹមលាង អភិបាលរងនៃគណៈអភិបាលខេត្តសៀមរាប ចុះត្រួតពិនិត្យស្ថានីយ៍ស្រាវជ្រាវ និងផលិតពូជត្រីទឹកវិល ស្ថិតនៅភូមិជ្រៃ  សង្កាត់ទឹកវិល ក្រុង/ខេត្តសៀមរាប ។