ថ្ងៃសុក្រ១៣កើត ខែអស្សុជ ឆ្នាំថោះ បញ្ចស័កព.ស ២៥៦៧ ត្រូវនឹងថ្ងៃទី២៧ ខែតុលា ឆ្នាំ២០២៣ លោក ខិ ចាន់ប៊ុណ្ណារិទ្ធ អនុប្រធានការិយាល័យនីតិកម្មកសិកម្ម និងសហការីបានចុះអនុវត្តសកម្មភាពការងារត្រួតពិនិត្យ តាមដាន និងស្រាវជ្រាវ ដេប៉ូលក់ដុំ លក់រាយ ជី ថ្នាំកសិកម្ម ដែលកំពុង ចរាចរណ៍ទិញលក់ចែកចាយ លើទីផ្សារក្នុងស្រុកវ៉ារិន បានចំនួន១២ ដេប៉ូ និងណែនាំផ្ទាល់មាត់៥ដេប៉ូឱ្យការតាំងលក់ល្អ តាមប្រភេទជី ថ្នាំកសិកម្ម និងការតាំងលក់បានត្រឹមត្រូវមានរបៀបរយស្របតាមបច្ចេកទេស។ ក្រៅពីនេះក្រុមការងារបានពន្យល់រំលឹកម្ចាស់ដេប៉ូត្រូវណែនាំបន្តដល់កសិករក្នុងការរៀបចំការទុកដាក់សំបកវេចខ្ចប់ថ្នាំកសិកម្មក្រោយការប្រើប្រាស់រួចឲ្យមានសុវត្ថិភាពដល់មនុស្ស សត្វ និងបរិស្ថានផងដែរ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម