ថ្ងៃសុក្រ៥រោច ខែអស្សុជ ឆ្នំាថោះបញ្ចស័ក ព.ស ២៥៦៧ ត្រូវនឹងថ្ងៃទី០៣ ខែវិច្ចិកា ឆ្នាំ២០២៣  លោក ទា គឹមសុទ្ធ  ប្រធានមន្ទីរកសិកម្ម រុក្ខាប្រមាញ់ និងនេសាទ និងជាប្រធានសមាគមមិត្តបុគ្គលិកកសិកម្មកម្ពុជាសាខាមន្ទីរកសិកម្មខេត្តសៀមរាប និងសហការី បាននាំយកអំណោយឧបត្ថម្ភរបស់ឯកឧត្តមប្រធានគណៈកម្មាធិការសមា​គមមិត្តបុគ្គលិកកសិកម្មកម្ពុជា ព្រមទាំងពាំនាំការផ្ដាំផ្ញើសួរសុខទុក្ខ និងការចូលរួមមរណៈទុក្ខដល់គ្រួសារសពពីសំណាក់ឯកឧត្តម ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទជូនដល់លោស្រី អន ចាន់ធី សមាជិកសមាគមមិត្តបុគ្គលិកកសិកម្មកម្ពុជា ត្រូវជាភរិយាសពលោក ពិន ផង់ ចំនួន ៣ ០០០ ០០០រៀល និងជូនលោកស្រី ហ៊ុន ពុំសែន សមាជិកសមាគមមិត្តបុគ្គលិកកសិកម្មកម្ពុជា ត្រូវជាភរិយាសពលោក សុខ សារី ចំនួន ៣ ០០០ ០០០ រៀលផងដែរ។