ថ្ងៃអង្គារ២កើត ខែកត្តិក ឆ្នំាថោះបញ្ចស័ក ព.ស ២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣  លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប និងសហការី ចំនួន២៥នាក់បានចូលរួមអបអរសាទរពិធីបើកការដ្ឋានសាងសង់ក្នុងតំបន់ព្រៃចម្ការពូជគ្រញូងសម្រាប់គម្រោងការបង្កើតព្រៃលំហែកម្សាន្ត និងសួនអាស៊ាន -កូរ៉េ  ក្រោមអធិបតីភាពឯកឧត្តម អ៊ុង សំអាត  ទីប្រឹក្សាផ្ទាល់របស់សម្ដេចមហាបវរអធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងរដ្ឋលេខាធិការក្រសួង រុក្ខាប្រមាញ់ និងនេសាទ និងមានការអញ្ចើញចូលរួមពីសំណាក់ឯកឧត្តម ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ  ឯកឧត្តម មាស ច័ន្ទពិសិដ្ឋ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តម កែវ អូម៉ាលីស ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលព្រៃឈើ ឯកឧត្តម អ៊ឹង គឹមលាង អភិបាលរងខេត្ត ប្រធានព្រៃឈើកូរ៉េ ប្រតិភូអមដំណើរ ឯកឧត្តមប្រតិភូអមដំណើរ ប្រធាននាយកដ្ឋានទំាង៦របស់រដ្ឋបាលព្រៃឈើ អាជ្ញាធរឃុំ ភូមិ និងប្រជាពលរដ្ឋជាច្រើននាក់  ដែលប្រព្រឹត្តទៅនៅភូមិត្រពាំងថ្ម  ឃុំឃុនរាម ស្រុកបន្ទាយស្រី ខេត្តសៀមរាប។