សៀមរាប៖ ថ្ងៃព្រហស្បតិ៍្ត១៣កើត ខែមាឃ ឆ្នាំថោះ បញ្ចស័កព.ស ២៥៦៧ ត្រូវនឹងថ្ងៃទី២២ ខែកុម្ភៈ ឆ្នាំ២០២៤ លោក ហ៊ុន រស្មី ប្រធានការិយាល័យនីតិកម្មកសិកម្ម និងសហការី បានចុះត្រួតពិនិត្យដេប៉ូលក់ដុំ លក់រាយ ជី ថ្នាំកសិកម្ម ដែលកំពុង ចរាចរណ៍ទិញលក់ចែកចាយលើទីផ្សារក្នុងស្រុកអង្គរជុំ និងធ្វើការពង្រឹងការអនុវត្តច្បាប់ស្ដីពី ការគ្រប់គ្រងថ្នាំកសិកម្ម និងជីកសិកម្ម សរុបបានចំនួន០៧ដេប៉ូ (ក្នុងនោះ បានធ្វើការណែនាំផ្ទាល់មាត់ចំនួន១ដេប៉ូ ដែលរៀបចំមិនទាន់បានត្រឹមត្រូវល្អ)។ ក្រុមការងារបានណែនាំការអនុវត្តការតាំងលក់ល្អ មានរបៀបរៀបរយស្របតាមបច្ចេកទេស តាមប្រភេទជី ថ្នាំកសិកម្ម និងការតាំងលក់បានត្រឹមត្រូវ ពន្យល់រំលឹកដេប៉ូក្នុងការណែនាំបន្តដល់កសិករក្នុងការរៀបចំការទុកដាក់សំបកវេចខ្ចប់ថ្នាំកសិកម្មក្រោយការប្រើប្រាស់រួចឲ្យមានសុវត្ថិភាពមនុស្ស សត្វ និងបរិស្ថាន។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម