ថ្ងៃ អាទិត្យ ២រោច ខែជេស្ឋ  ឆ្នាំរោង ឆស័កព.ស២៥៦៨ត្រូវនឹងថ្ងៃទី ២៣ ខែ ​មិថុនា ឆ្នាំ២០២៤ លោកទា​ គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទ លោកធិននី សុទ្ធី នាយខណ្ឌរដ្ឋបាលជលផល ចូលរួមអបអរ សាទរពិធីលែងកូនត្រីនៅ​ត្រពាំងព្រៃដំរី​ស្ថិ​តនៅភូមិស្ពានក្អែក ឃុំកណ្ដែក ស្រុកប្រាសាទបាគងខេត្តសៀមរាប ក្រោមអធិបតីភាពឯកឧត្តមឃី កុសល អនុរដ្ឋ​លេខាធិការក្រសួងកសិកម្ម រុក្ខាប្រមាញ់ និងនេសាទ លោក នៅសំ រដ្ឋា អភិបាលរងស្រុកប្រាសាទបាគង ។ សមាសភាព​អញ្ជើញ​ចូលរួម មានឯកឧត្តមអនុរដ្ឋលេខាធិការ ឯកឧត្តម លោក លោកស្រីក្រុមការងារក្រសួងកសិកម្ម រុក្ខាប្រមាញ់ និងនេសាទ រដ្ឋបាល​ស្រុក​ប្រាសាទបាគង ប្រធានការិយាល័យកសិកម្មស្រុក ក្រុមប្រឹក្សាឃុំ មេភូមិ ប្រជាពលរដ្ឋ សិស្សានុសិស្សចូលរួមសរុបចំនួន ៣០០នាក់ ។ កូនត្រីត្រូវលែងមានចំនួន១៧ ០០០ក្បាល ក្នុងនោះ មានប្រភេទ៖ ត្រីអណ្ដែង ៤០០០ក្បាល ត្រីប្រា  ៦០០០ ក្បាល ត្រីឆ្ពិន ៥០០០ ក្បាល ត្រីក្រាញ់ ២០០០ ក្បាល។