សៀមរាប៖ ថ្ងៃពុធ៥កើត ខែអាសាឍ ឆ្នំារោងឆស័កព.ស ២៥៦៨ ត្រូវនឹងថ្ងៃទី១០ ខែកក្កដា ឆ្នំា២០២៤ ផ្នែករដ្ឋបាលជលផលដំដែក សង្កាត់រដ្ឋបាលជលផលសូទ្រនិគម និងសង្កាត់រដ្ឋបាលជលផលអន្លង់សំណរចុះទប់ស្កាត់ និងបង្រ្កាបបទល្មើសនេសាទចាប់ពីចំណុចមុខពាមមាត់ខ្លា ដល់កោះដាច់ក្នុងដែនសហគមន៍នេសាទអន្លង់សំណរ និងកំពង់ឃ្លាំងចំនួន០២ករណី ដោយកាប់បំផ្លាញចោលឧបករណ៍លបលូប្រើរបាំងសាច់អួនក្រឡាតូចជាង៣សង់ទីម៉ែត្រ និងឧបករណ៍ស្បៃមុង ខុសច្បាប់នៅនឹងកន្លែងមាន៖ ១-ឧបករណ៍លបលូប្រើរបាំងសាច់អួនក្រឡាតូចជាង ៣សង់ទីម៉ែត្រ ក្បាលលបលូចំនួន១៥គ្រឿង របាំងសាច់អួនក្រឡាតូចជាង៣សង់ទីម៉ែត្រ ប្រវែង១២០០ម៉ែត្រ ចម្រឹងចំនួន៣០០ដើម និង ២۔ឧបករណ៍ស្បៃមុង ក្បាលស្បៃមុងចំនួន២០គ្រឿង របាំងស្បៃមុងប្រវែង៨០០ម៉ែត្រ ចម្រឹងចំនួន១៥០ដើម លែងត្រីចម្រុះចំនួន៣០គីឡូក្រាម។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម