សៀមរាប៖ នៅថ្ងៃអង្គារ១០រោច ខែអាសាឍ ឆ្នាំរោងឆស័ក ព.ស២៥៦៨ ត្រូវនឹងថ្ងៃទី៣០ ខែកក្កដា ឆ្នាំ២០២៤ លោក ហៃ  វាសនា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀ​ម​រាប និងលោក ជា សុភៈមករា អនុប្រធានការិយាល័យកសិឧស្សាហកម្មបានចូលរួមប្រជុំសម្របសម្រួលដល់ការចុះបេសសកម្មសិក្សាស្រាវជ្រាវ និងប្រមូលទិន្នន័យពាក់ព័ន្ធ និងតួអង្គចម្បងៗ ក្នុងវិស័យចន្ទីនៅស្រុកជីក្រែង និងស្រុកស្វាយលើ ខេត្តសៀមរាប ដើម្បីរៀបចំរបាយការណ៍គោរពជូនសម្តេចបវធិបតីហ៊ុន ម៉ាណែត នាយករដ្ឋមន្ត្រី ស្ថិតនៅ ភូមិថ្នល់ ឃុំគោកធ្លកលើ ស្រុកជីក្រែង ខេត្តសៀមរាប។ កិច្ចប្រជុំនេះស្ថិតនៅក្រោមអធិបតីយភាពលោក ម៉ៅ ជា អភិបាលរងនៃគណៈអភិបាលស្រុកជីក្រែង  ក្រុមការងារបង្ហោះដ្រូន ប្រធាន  អនុប្រធានមន្ទីរពាក់ព័ន្ធនានាលោក លោកស្រី ជាម្ចាស់ចំការចន្ទី លោក លោកស្រីជាអ្នកប្រមូលទិញតូចៗ  និងធំ។ កិច្ចប្រជុំនេះមានអ្នកចូលរួមសរុបចំនួន៣០ នាក់ ស្រី៨នាក់ ។