សៀមរាប៖ នៅថ្ងៃពុធ០៣កើត ខែស្រាព័ណ ឆ្នាំរោង ឆស័កព.ស. ២៥៦៨ ត្រូវនិងថ្ងៃទី០៧ ខែសីហា ឆ្នាំ២០២៤  លោកស្រី តាន់ អេងនី ប្រធានការិយាល័យកសិ-ឧស្សាហកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្ត បានសហការជាមួយការិយាល័យកសិកម្មធនធានធម្មជាតិ និងបរិស្ថានស្រុកសូទ្រនិគម បើកវគ្គបណ្តុះបណ្តាលស្តីពី ផលិតកម្មកសិកម្មតាមកិច្ចសន្យា  ក្រោមអធិបតីភាពលោក ហៃ វាសនា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងមានការអញ្ជើញចូលរួមពីលោក សួន ជំនិត មេឃុំចាន់ស លោកស្រី ហេង គុណវុឌ្ឍី ប្រធានការិយាល័យកសិកម្មធនធានធម្មជាតិ និងបរិស្ថានស្រុក និងកសិករនៅភូមិចានសជើង ឃុំចាន់ស ស្រុកសូទ្រនិគម សរុបចំនួន ៣៧ នាក់ ស្រី ២៩នាក់។ វគ្គនេះ គឺមានគោលបំណង៖ ១-កសិករចូលរួមយល់ដឹងពីនិយមន័យនៃផលិតកម្មកសិកម្មតាមកិច្ចសន្យា ២-គុណសម្បត្តិ និងគុណវិបត្តិនៃផលិតកម្មកសិកម្មតាមកិច្ចសន្យា ៣-ការសាងក្របខ័ណ្ឌច្បាប់ និងលិខិតបទដ្ឋានក្នុងការគំាទ្រការអនុវត្ត  និង៤-ស្ថាប័នគំាទ្រផ្ដល់សេវាកម្មសម្របសម្រួល ភ្ជាប់ទំនាក់ទំនងការចចារ ការរៀបចំកិច្ចសន្យា និងការដោះស្រាយវិវាទ។