សៀមរាប៖ ថ្ងៃអង្គារ១២កើត ខែកត្តិក ឆ្នំារោងឆស័ក ព.ស ២៥៦៨ ត្រូវនឹងថ្ងៃទី១២ ខែវិច្ឆិកា ឆ្នំា២០២៤ លោក ហាយ យង់ អភិបាលរងនៃគណៈអភិបាលក្រុងសៀមរាប បានដឹកនាំកម្លាំងផ្នែករដ្ឋបាលជលផលចុងឃ្នៀស សង្កាត់រដ្ឋបាលជលផលភ្នំក្រោម និងសហគមន៍នេសាទចុងឃ្នៀស ចុះទប់ស្កាត់និងបង្ក្រាបបទល្មើសជលផលចាប់ពីចំណុចចុងស្ទឹងអារញ្ញ ភូមិអារញ្ញ សង្កាត់សៀមរាប ដល់ទំនប់ព្រហូត សង្កាត់ជ្រាវ ក្រុងសៀមរាប ក្រុមការងារបានរុះរើ និងកាប់បំផ្លាញឧបករណ៍នេសាទល្មើសច្បាប់ស្តីពីជលផលចោលនៅនឹងកន្លែងបានចំនួន០១ ករណី។ ធ្វើនេសាទដោយឧបកណ៍លបរ៉ាវមានក្រឡាតូចជាង០,០៣ម៉ែត្រ ក្នុងនោះមាន៖ ក្បាលលបចំនួន ០៨គ្រឿង របាំងសាច់អួនប្រវែង១ ៦០០ម៉ែត្រ ចម្រឹងចំនួន ៥០០ដើម ព្រលែងត្រីចម្រុះចំនួន ៣០គីឡូក្រាម កម្លាំងចូលរួមសរុប ១៣នាក់ ប្រើប្រាស់កាណូតចំនួន ០២គ្រឿង។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម