សៀមរាប៖ នាព្រឹកថ្ងៃសុក្រ១៣កើត ខែមិគសិរ ឆ្នំារោងឆស័ក ព.ស ២៥៦៨ ត្រូវនឹងថ្ងៃទី១៣ ខែធ្នូ ឆ្នំា២០២៤លោក ប៉ែន ប៊ុនធឿន អនុប្រធានមន្ទីរតំណាងលោក ទា គឹមសុទ្ធ ប្រធានមន្ទីរកសិកម្ម រុក្ខាប្រមា​ញ់ និងនេសាទខេត្ត ដឹកនំាសហការីជំនាញពាក់ព័ន្ធប្រជុំជាមួយគណៈប្រតិភូ General Administrative Station of Seeds នៃខេត្ត Zhejian នៃសាធារណរដ្ឋប្រជាមានិតចិន ដឹកនាំដោយលោកនាយក Shi Junsheng នៅសាលប្រជុំធំរបស់មន្ទីរកសិកម្ម រុក្ខាប្រមាញ់ និងនេសាទខេត្ត ដែលមានអ្នកចូលរួមសរុប ១៧ នាក់ស្រី១ នាក់។ គោលបំណងនៃកិច្ចប្រជុំនេះ គឺ ដើម្បីធ្វើការផ្លាស់ប្ដូរបទពិសោធន៍ និងស្វែងរកការរិតចំណងសាមគ្គីភាព និងសហប្រតិបត្តិការរវាងមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប និងខេត្ត Zhejian។ ក្នុងឱកាសនេះដែរភាគីចិនបានចាប់អារម្មណ៍ខ្ពស់ចំពោះសមិទ្ធិផលវិស័យកសិកម្មនៅខេត្តសៀមរាប និងបានបញ្ជាក់ពីគោលបំណងអញ្ជើញអ្នកវិនិយោគចិនម​កកាន់ខេត្តសៀមរាប។ ភាគីចិនក៏បាន អញ្ជើញភាគីកម្ពុជាទស្សនកិច្ចសិក្សានៅខេត្ត Zhejian ជាពិសេសស្នើភាគីកម្ពុជានាំយកផលិតផលកសិកម្មដែលសក្ដានុពលទៅចូលរួមតំាងពិព័រណ៍នៅខេត្តZhejiang នៅខែឧសភា ឆ្នំា២០​២​៥ ខាងមុខ។