សៀមរាប៖ ថ្ងៃចន្ទ៨រោច ខែមិគសិរ ឆ្នំារោង ឆស័ក ព.ស២៥៦៨ ត្រូវនឹងថ្ងៃទី២៣ ខែធ្នូ ឆ្នំា ២០២៤ មន្ទីរកសិកម្ម រុក្ខាប្រមាញ់ និងនេសាទខេត្តបានសហការជាមួយអង្គការហ្រ្គេត  និងអង្គការបន្ទាយស្រី បានរៀបចំកិច្ចប្រជុំសម្របសម្រួលលើកទី១ ជាមួយអង្គពាក់ព័ន្ធដែលធ្វើការងារលើវិស័យកសិកម្មក្នុងខេត្តសៀមរាប  ក្រោមអធិបតីភាព លោក ហៃ  វាសនា អនុប្រធានមន្ទីរកសិកម្ម រុក្ខាប្រមាញ់និងនេសាទខេត្តសៀមរាប  លោកកញ្ញា Elise តំណាងអង្គការហ្រ្គេត (GRET) លោកស្រី ជុន សាមីត  តំណាងអង្គការបន្ទាយស្រី (BANTEAY SREI) លោក លោកស្រី អង្គការពាក់ព័ន្ធដែលមានអ្នកចូលរួមសរុប ២៩ នាក់ស្រី ១១នាក់។ កម្មវិធីនេះប្រព្រឹត្តទៅនៅសាលប្រជុំស្ដានីយស្រាវជ្រាវកសិកម្មទឹកវិល។ កិច្ចប្រជុំនេះមានគោលបំណងគឺ៖ ១-ដើម្បីស្វែងយល់អំពីសកម្មភាពរបស់អង្គសង្គមស៊ីវិលដែលកំពុងធ្វើការងារលើវិស័យកសិកម្មនៅក្នុងខេត្តសៀមរាប ២-ដើម្បីស្វែងយល់អំពីបញ្ហាប្រឈមរបស់អង្គការសង្គមស៊ីវិល និងកំណត់អនុសាសន៍ និង៣-ប្រើប្រាស់ធនធានក្នុងការវិនិយោគលើកវិស័យកសិ-ពាណិជ្ជកម្មដល់សហគមន៍កសិកម្ម ឬកសិករខ្នាតតូច (ក្រុមអ្នកផលិត)។