សៀមរាប៖ រសៀលថ្ងៃអង្គារ៩រោច ខែមិគសិរ ឆ្នំារោងឆស័ក ព.ស​ ២៥៦៨ ត្រូវនឹងថ្ងៃទី២៤ ខែធ្នូ ឆ្នាំ២០២៤ លោក ទា គឹមសុទ្ធ ប្រធានមន្ទីរ និងជាប្រធានសមាគមមិត្តបុគ្គលិកកសិកម្មកម្ពុជាសាខាមន្ទីរកសិកម្ម រុក្ខាប្រមាញ់និងនេសាទខេត្តសៀមរាប និងសហការី​បាននាំយកអំណោយឧបត្ថម្ភរបស់ឯកឧត្តមប្រធានគណៈកម្មាធិការសមា​គមមិត្តបុគ្គលិកកសិកម្មកម្ពុជា ព្រមទាំងពាំនាំការផ្ដាំផ្ញើសួរសុខទុក្ខ និងការចូលរួមរំលែកមរណៈទុក្ខដល់គ្រួសារសពពីសំណាក់ឯកឧត្តម ឌិត ទីណា  រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ជូនដល់លោស្រី ថោង ពុទ្ធីយ៉ា ត្រូវជាកូនសពលោកស្រី ថោង សារឿន អតីតមន្ត្រីចូលនិវត្តន៍ និងជាសមាជិកសមាគមមិត្តបុគ្គលិកកសិកម្មកម្ពុជាប្រចាំខេត្តសៀមរាប ចំនួន ៦ ០០០ ០០០រៀល។ កម្មវិធីប្រគល់ប្រព្រឹត្តទៅនៅសាលប្រជុំមន្ទីរធំរបស់មន្ទីរកសិកម្ម រុក្ខាប្រមាញ់ និងនេសាទខេត្ត ដែលមានអ្នកចូលរួមសរុប ១២នាក់ ស្រី ៤នាក់។