សៀមរាប៖ ថ្ងៃសុក្រ១២រោច ខែមិគសិរ ឆ្នាំរោង ឆស័កព.ស ២៥៦៨ ត្រូវនឹងថ្ងៃទី២៧ ខែធ្នូ ឆ្នំា២០២៤ លោក ទា គឹមសុទ្ធ ប្រធានមន្ទីរកសិកម្ម រុក្ខប្រមាញ់ និងនេសាទ និងសហការី បានអមដំណើរឯកឧត្តម តាន់ ផាន់ណារ៉ា ប្រតិភូរាជរដ្ឋាភិបាលទទួលបន្ទុកជាអគ្គនាយដ្ឋានសុខភាពសត្វ និងផលិតកម្មសត្វ ចុះពិនិត្យ និងណែនាំបច្ចេកទេសផ្សេងៗពាក់ព័ន្ធនិងការចិញ្ចឹមគោសាច់ប្រភេទប្រាម៉ាន់ នៅកសិដ្ឋានចិញ្ចឹមគោ អានហ្គូសផ៏ផាសថូរៀល ឯក(AngaustPastorial Co  Ltd ) ស្ថិតនៅភូមិជប់ ឃុំជប់តាត្រាវ ស្រុកអង្គរធំ ដែលមានគោមេពូជ៦៥ក្បាល និងគោបាប្រាម៉ាន់ចំនួន៣ក្បាល និងកូនគោសរុប១១៦ក្បាល កំពុងចិញ្ចឹមជាសាច់សម្រាប់ផ្គត់ផ្គង់ទីផ្សារក្នុងខេត្តសៀមរាប និងធ្វើការនាំចេញទៅកាន់ទីផ្សារក្នុងប្រទេស និងឈានធ្វើការនាំចេញសាច់គោទៅកាន់ទីផ្សារក្នុងតំបន់នាពេលអនាគត។ ឯកឧត្តមបានណែនាំម្ចាស់កសិដ្ឋានពង្រីកលើផ្ទៃដីដាំស្មៅ រុក្ខជាតិដំណាំចណីសត្វ ជាពិសេសការគ្រប់គ្រងប្រភពទឹកដើម្បីបម្រើឲ្យការស្រោចស្រពនៅរដូវប្រាំង និងធ្វើជាផ្អកស្មៅដែលជាចំណីផ្តល់គុណភាពខ្ពស់។