សៀមរាប៖ ថ្ងៃសុក្រ៥កើត ខែបុស្សឆ្នំារោងឆស័ក ព.ស២៥៦៨ ត្រូវនឹងថ្ងៃទី៣ ខែមករា ឆ្នំា២០២៥ មន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានរៀបចំសិក្ខាសាលាបូកសរុបលទ្ធផលការងារកសិកម្ម រុក្ខាប្រមាញ់ និងនេសាទ ប្រចាំឆ្នាំ២០២៤ និងទិសដៅអនុវត្តបន្តឆ្នាំ២០២៥ ក្រោមអធិបតីឯកឧត្តម ឃុន សាវឿន រដ្ឋលេខា​ធិការ ជាតំណាងដ៏ខ្ពង់ខ្ពស់  ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោកជំទាវ ងិន សូនាថ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តម ម៉ក់ សំភា សមាជិកក្រុមប្រឹក្សាខេត្ត  តំណាង ឯកឧត្តម លី សំរឹទ្ធ ប្រធានក្រុមប្រឹក្សាខេត្តសៀមរាប  ឯកឧត្តម អ៊ឹង គឹមលាង អភិបាលរង នៃគណៈអភិបាលខេត្តសៀមរាប។ ដោយមានអ្នកចូលរួមមកពីមន្ទីរអង្គភាព នានាជុំវិញខេត្ត លោក-លោកស្រីជា អភិបាល អភិបាលរងក្រុង ស្រុក អង្គការជាតិ អន្តរជាតិ  ក្រុមហ៊ុនដីសម្បទានសេដ្ឋកិច្ច ក្រុមហ៊ុនលក់ធាតុចូលកសិកម្ម  ក្រុមហ៊ុនផ្គត់ផ្គង់ ចំណីសត្វ និងផលិតផលដែលមានដើមកំណើតពីសត្វ និងមន្រ្តីរាជការ មន្ត្រីចូលនិវត្តន៍នៃមន្ទីរកសិកម្ម រុក្ខាប្រមាញ់ និងនេសាទ ខេត្តសៀមរាប សរុបចំនួន ២២២នាក់ ស្រី ៤១នាក់។អង្គសិក្ខាសាលាបានធ្វើបទ​បង្ហាញចំនួន ៤ ដែលជាអនុវិស័យមានអាទិភាព រួមមានអនុវិស័យកសិកម្ម  អនុវិស័យផលិតកម្មនិងបសុព្យា​បាល អនុវិស័យព្រៃឈើ និងអនុវិស័យជលផល និងបានពិភាក្សាពីសភាពការណ៍វិវឌ្ឈរីកចម្រើនរបស់វិស័យ​កសិកម្ម ដែលឆ្លុះបញ្ចាំងពីលទ្ឋផលសម្រេចបានក្នុងឆ្នាំ២០២៤ និងលើកទិសដៅអនុវត្តបន្តឆ្នាំ២០២៥។