សៀមរាប៖ ថ្ងៃសៅ៦កើត ខែបុស្ស ឆ្នំារោងឆស័ក ព.ស២៥៦៨ ត្រូវនឹងថ្ងៃទី៥ ខែមករា ឆ្នំា២០២៥ ផ្នែករដ្ឋបាលជលផលក្រឡាញ់ សង្កាត់រដ្ឋបាលជលផលពួក គណ:កម្មការសហគមន៍នេសាទកែវពណ៌ និងគណ:កម្មការសហគមន៍នេសាទខ្នាត បានចុះផ្សព្វផ្សាយណែនាំដល់ប្រជាអ្នកនេសាទក្នុងភូមិពាមតាអួរ ឃុំកែវពណ៌ស្រុកពួក អោយប្រកបរបរនេសាទស្របតាមច្បាប់ គឺលប មានក្រឡា៣សងទីម៉ែត្រទៅ៤សង្ទីម៉ែត្រ ប្រវែង ២០០ម៉ែត្រមានអ្នកចូលរួមចំនួន២៨នាក់ និង ចុះត្រួតពិនិត្យទប់ស្កាត់បង្ក្រាបបទល្មើសជលផលក្នុងដែននេសាទកែវពណ៌ នៅចំណុចមាត់ពាមមេជ្រៃ ដល់អូរប្រតប់ ឃុំកែវពណ៌ ស្រុកពួកខេត្តសៀមរាប កាប់បំផ្លាញចោលនៅនឹងកន្លែងបាន១ករណី ដោយប្រើប្រាស់ឧបករណ៍លបលើសច្បាប់អនុញ្ញាត ក្នុងនោះមាន៖ ក្បាលលបចំនួន១០គ្រឿង របាំងសាច់អួនក្រឡាតូចជាង០,០៣សង្ទីម៉ែត្រប្រវែង៣០០០ម៉ែត្រ និងចម្រឹងចំនួន ៦០០ដើម។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម