សៀមរាប៖ថ្ងៃអង្គារ១៥រោច ខែបុស្ស ឆ្នំារោង ឆស័ក ព.ស ២៥៦៨ ត្រូវនឹងថ្ងៃទី២៨ ខែមករា ឆ្នំា២០២៥ ផ្នែករដ្ឋបាលជលផលក្រឡាញ់ សង្កាត់រដ្ឋបាលជលផលពួក និងគណៈកម្មការសហគមន៍នេសាទកែវពណ៍ កម្លំាងចូលរួមសរុប ៥នាក់ ចុះទប់ស្កាត់បង្ក្រាបបទល្មើសនេសាទ ក្នុងដែនសហគមន៍នេសាទ ចាប់ពីមាត់ពាមតាអួរ ដល់អួប្រតប់ ជាលទ្ធផលបង្ក្រាបបានចំនួន ៣ករណី រួមមាន ឧបករណ៍លបលូចំនួន១ករណី ឧបករណ៍សាច់ដាយ ចំនួន១ករណី និង ឧបករណ៍លូស្បៃមុងចំនួន១ករណី។ ក្រុមការងារបានធ្វើការកាប់បំផ្លាញចោលនូវឧបករណ៍ខុសច្បាប់ស្តីពីជលផលនៅនឹងកន្លែងមាន៖ក្បាល លបលូ ចំនួន ៣គ្រឿង របាំងសាច់អួនតូចជាងបីសង់ទីម៉ែត្រប្រវែង ២ ៥០០ម៉ែត្រ សាច់ដាយចំនួន ២គ្រឿង របាំងសាច់អួនតូចជាងបីសង់ទីម៉ែត្រប្រវែង ២ ៣០០ម៉ែត្រ លូស្បៃមុងចំនួន៥ គ្រឿង របាំងស្បៃមុង១ ៥០០ម៉ែត្រ ចម្រឹងចំនួន ១ ៦០០ដើម និងប្រលែងត្រីសរុប៣០គីឡូក្រាម។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម