សៀមរាប៖ ថ្ងៃព្រហស្បតិ៍២កើត ខែមាឃ ឆ្នំារោង ឆស័ក២៥៦៨ ត្រូវនឹងថ្ងៃទី៣០ ខែមករា ឆ្នាំ២០២៥ ឯកឧត្តម ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ព្រមទាំងថ្នាក់ដឹកនាំការិយាល័យក្សេត្រសាស្ត្រ និងផលិតភាពកសិកម្ម តំណាងរដ្ឋបាលស្រុកជីក្រែង និងអាជ្ញាធរឃុំល្វែងប្ញស្សី ចុះពិនិត្យស្ថានភាពបង្កបង្កើនផលស្រូវប្រាំង នៅភូមិក្បាលក្តួច និងភូមិបាឡាំង ឃុំស្ពានត្នោត និងផ្សព្វផ្សាយពីអត្ថប្រយោជន៍នៃការចូលរួមចងក្រងជាសហគមន៍កសិកម្មទំនើបដល់ប្រជាកសិករនៅទីនោះ។ ជាមួយគ្នានោះ ឯកឧត្តមបានផ្តល់អនុសាសន៍ដល់មន្ត្រីជំនាញ និងអាជ្ញាធរមូលដ្ឋានបន្តប្រឹងប្រែងជួយអន្តរាគមន៍ដល់ដំណាំស្រូវដែលកំពុងប្រឈមនឹងការខ្វះខាតទឹកនៅពេលនេះ ក៏ដូចពេលខាងមុខអោយអស់លទ្ធភាព។