សៀមរាប៖ ថ្ងៃសុក្រ៣កើត ខែមាឃ ឆ្នំារោងឆស័ក ព.ស ២៥៦៨ ត្រូវនឹងថ្ងៃទី៣១ ខែមករា ឆ្នំា២០២៥ លោក គង់ សុជា ប្រធានការិយាល័យអភិវឌ្ឍន៍សហគមន៍កសិកម្ម និងលោក ផាត់ ប៊ុនផោន មន្រ្តីការិយាល័យអភិវឌ្ឍន៍សហគមន៍កសិកម្ម បានចូលរួមមហាសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកផែនការបន្តឆ្នាំ២០២៥របស់សហគមន៍កសិកម្មស្រ្តីភោគផលមានជ័យស្ថិតនៅភូមិយាង ឃុំឫស្សីលក ស្រុកជីក្រែង ក្រោមអធិបតីភាព លោក ម៉ូវ ជា អភិបាលរង នៃគណៈអភិបាលស្រុកជីក្រែង និងមានការអញ្ជើញចូលរួមពីលោក ទី មេង ប្រធានក្រុមប្រឹក្សាឃុំឫស្សីលក អាជ្ញាធរឃុំសង្វើយ ឃុំគោកធ្លកក្រោម ឃុំជីក្រែង អង្គការដៃគូរ តំណាងសហភាពសហគមន៍កសិកម្មសៀមរាបមានជ័យ សមាជិកសមាជិកាសហគមន៍ សរុបប្រមាណ ១១១នាក់ ស្រី ៧៤នាក់។ តាមរយៈរបាយការណ៍លទ្ធផលរបស់ប្រធានក្រុមប្រឹក្សាភិបាលសហគមន៍កសិកម្មបង្ហាញឲ្យឃើញថា ឆ្នាំ២០២៤ សហគមន៍បានប្រកបមុខរបរអាជីវកម្មដើម្បីជួយគាំទ្រដល់សមាជិក ដូចជា​ផ្គត់ផ្កត់ធាតុចូលកសិកម្មរួមគ្នា សម្របសម្រួលទិញ លក់មាន់ស្រុកចំនួន ៣០០០ក្បាល សម្របសម្រួលទិញ លក់កូនមាន់ស្រុក ចំនួន ១០ ០០០ក្បាល។ ផែនការបន្តឆ្នាំ២០២៥ សហគមន៍បង្កើតមុខរបរមួយបន្ថែមទៀតពីមុខរបរដែលមានស្រាប់ គឺសម្របសម្រួលផ្គត់ផ្គត់បន្លែតាមសាលារៀនក្នុងស្រុកជីក្រែង។ ឆ្លៀតក្នុងឳកាសនេះ ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្ត បានផ្សព្វផ្សាយអំពីផលប្រយោជន៍នៃចងក្រងជាសហគមន៍កសិកម្មទំនើប ក្នុងអង្គពិធីបានជ្រាបផងដែរ។