សៀមរាប៖ ថ្ងៃព្រហស្បតិ៍៩កើត ខែមាឃ ឆ្នំារោងឆស័ក ព.ស ២៥៦៨ ត្រូវនឹងថ្ងៃ៦ ខែកុម្ភៈ ឆ្នំា២០២៥ លោក គង់ សុជា ប្រធានការិយាល័យអភិវឌ្ឍន៍សហគមន៍កសិកម្ម បានចូលរួមមហាសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅឆ្នាំ២០២៥ របស់សហគមន៍កសិកម្មសំរោងសាមគ្គីស្រ្តីរស្មីរុងរឿង នៅភូមិបត់ដង្កោ ឃុំសំរោង ស្រុកសូទ្រនិគម ក្រោមអធិបតីភាពលោកស្រី សរ រឺណេ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោកស្រី ទុយ លំា អភិបាលរងនៃគណៈអភិបាលស្រុកសូទ្រនិគម និងមានការអញ្ជើញចូលរួមពីតំណាងអង្គការអាដដា អង្គការអាយឌីអ៊ី កម្មវិធី ASPIRE-AT សហភាពសហគមន៍កសិកម្មសៀមរាបមានជ័យ អាជ្ញាធរឃុំសំរោង កៀនសង្កែ តាយ៉ែក និងសមាជិក សមាជិកសហគមន៍ សរុបប្រមាណ ១១៥នាក់ ស្រី៨៦នាក់។ តាមរយៈរបាយកាណ៍របស់ប្រធានក្រុមប្រឹក្សាភិបាលសហគមន៍កសិកម្ម បានបង្ហាញឲ្យឃើញថា ក្នុងឆ្នាំ២០២៤ សហគមន៍កសិកម្មមានដំណើរការល្អគួរឲ្យកត់សំគាល់ ដោយមានសមាជិកពេញសិទ្ធចូលរួមប្រើប្រាស់សេវាកម្មក្នុងសហ គមន៍ប្រមាណជា ៨០ភាគរយ ធៀបនឹងសមាជិកសរុប ៤០៥នាក់ ។ ក្នុងនោះដែរ សហគមន៍បានប្រកបមុខរបរអាជីវកម្ម ដើម្បីគាំទ្រដល់សមាជិកក្នុងសហគមន៍ដូចជា ឥណទានកសិកម្ម ធាតុចូលកសិកម្មរួមគ្នា សម្របសម្រួលទីផ្សារបន្លែតាមសាលារៀន សម្របសម្រួលទីផ្សារមាន់រស់ កូនមាន់ ស៊ុតមាន់ ដោយទទួលបានប្រាក់ចំណេញសុទ្ធប្រមាណ ៤៣លានរៀល។  បន្ទាប់ពីបានស្តាប់របាយការណ៍លទ្ធផលរបស់ សហគមន៍កសិកម្ម រួចមក លោកស្រី សរ រឺណេ អនុប្រធានមន្ទីរកសិកម្ម រុក្ខាប្រមាញ់ និងនេសាទ បានធ្វើការកោតសរសើរ និងវាយតម្លៃខ្ពស់ ដល់ថ្នាក់ដឹកនាំសហគមន៍កសិកម្មដែលបានខិតខំប្រឹងប្រែងដឹក នាំសហគមន៍ឲ្យមានដំណើរការ និងទទួលលទ្ធផលល្អគួរឲ្យកត់សំគាល់។ ឆ្លៀតក្នុងឱកាសនេះ លោកស្រី ក៏បានធ្វើការផ្សព្វផ្សាយអំពីសារៈប្រយោ​ជ​ន៍​នៃការចងក្រងសហគមន៍កសិកម្មទំនើបដល់អង្គពិធីបានជ្រាប នឹងបានស្នើសុំឲ្យសហគមន៍កសិកម្ម ពិនិត្យមើលលទ្ធភាព ដោយផ្អែកតាមសក្តានុពលជាក់ស្តែងដែលមានស្រាប់ ដើម្បីប្រែក្លាយទៅជាសហគមន៍កសិកម្មទំនើបនាពេលខាងមុខ។