សៀមរាប៖ ថ្ងៃព្រហស្បតិ៍៩កើត ខែមាឃ ឆ្នំារោងឆស័ក ព.ស ២៥៦៨ ត្រូវនឹងថ្ងៃទី៦ ខែកុម្ភៈ ឆ្នំា២០២៥ មន្ត្រីការិយាល័យផលិតកម្ម និងបសុព្យាបាលបានសហការណជាមួយលោក អ៊ឹង សុភ័ណ្ឌ អភិបាលក្រុងរុនតាឯកតេជោសែនបានដឹកនាំក្រុមការងារចុះត្រួតពិនិត្យសត្តឃាតដ្ឋានរបស់លោក សាយ វាសនា ដែលស្ថិតនៅភូមិថ្នល់ សង្កាត់រុនតាឯក ក្រុងរុនតាឯកតេជោសែន  អាជ្ញាធរពាក់ព័ន្ធ លោកមេភូមិថ្នល។ បន្ទាប់ពីចុះត្រួតពិនិត្យរួចក្រុមការងារបានធ្វើកែលម្អចំណុចខ្វះខាតសត្តឃាដ្ឋានរបស់លោក សាយ វាសនា ដូចខាងក្រោម ៖ ១-ត្រូវធ្វើរបងព័ទ្ធជុំវិញសត្តឃាតដ្ឋាននិងចាក់ដីបំពេញកន្លែងដក់ទឹក ២-ត្រូវធ្វើឡដុតសាកសពឬកាកសំណល់ ៣-ត្រូវធ្វើអាងស្តុកកាកសំណល់ទឹកអនាម័យលូបង្ហូរអាងចម្រុះ និងប្រព័ន្ធបង្ហូរកាកសំណល់ ៤-ត្រូវមានធ្នើរដាក់សាច់គោក្របីនិងមានទំពក់ព្យួរផ្ទាំងសាច់ ៥-ត្រូវធ្វើរោងសម្រាប់ដាក់កាកសំណល់ និងកំទេចកំទីឆ្អឹង ៦-មិនត្រូវបង្ហូរទឹកចេញទៅដីសាធារណៈនិងដីប្រជាពលរដ្ឋ ៦-ត្រូវមានបន្ទប់បសុពេទ្យប្រចាំការ (បន្ទប់កម្មករ) ៧-ត្រូវជីកស្រះបន្ថែមដើម្បីបង្ហូរទឹកកខ្វក់ចូល ៨-ត្រូវមានបទបញ្ជាផ្ទៃក្នុងរបស់សត្តឃាតដ្ឋាន ៩-ត្រូវបាញ់ថ្នាំសម្លាប់មេរោគជាប្រចាំ ៨-ត្រូវមានបទបញ្ជាផ្ទៃក្នុងរបស់សត្តឃាតដ្ឋាន ៩-ត្រូវបាញ់ថ្នាំសម្លាប់មេរោគជាប្រចាំ  សូមបញ្ជាក់៖ ក្រុមការងារបានមានមតិណែនាំម្ចាស់សត្តឃាតដ្ឋានត្រូវកែលម្អចំណុចខ្វះខាតខាងលើជាបន្តបន្ទាប់រហូតដល់រួចរាល់ជាស្ថាពរ។