សៀមរាប៖ ថ្ងៃចន្ទ១៣កើត ខែមាឃ ឆ្នំារោង ឆស័ក ព.ស ២៥៦៨ ត្រូវនឹងថ្ងៃទី១០ ខែកុម្ភៈ ឆ្នាំ២០២៥ ផ្នែករដ្ឋបាលជលផលដំដែក  សូទ្រនិគម និង អន្លង់សំណរ បានចូលរួមសហការជាមួយផ្នែកសឹករងខេត្ត កងអង្គភាពទ័ពពិសេសឆ័ត្រយោង៩១១ កងពលតូច ង ៧០ គណៈបញ្ជាការឯកភាពរដ្ឋបាលស្រុក ឧទ្យានុរក្សតំបន់ប្រើប្រាស់ច្រើនយ៉ាងស្នាក់ការកំពង់ឃ្លាំង អធិការដ្ឋាននគរបាលស្រុក ការិយាល័យកសិកម្ម ធនធានធម្មជាតិ និងបរិស្ថាន ស្រុក ដឹកនាំដោយលោកវរសេនីយ៍ឯក វិញ វឿន មេបញ្ជាការរងផ្នែកសឹករងខេត្តបានចុះបង្ក្រាប និងរុះរើឧបករណ៍នេសាទខុសច្បាប់ ក្នុងដែននេសាទសហគមន៍កំពង់ឃ្លាំង ចាប់ពីចំណុចជ្រោយសរ ដល់ចំណុចពាមមាត់ខ្លា បានចំនួន០២ ករណី ដោយកាប់បំផ្លាញចោលនៅនឹងកន្លែង។ ដោយករណីទី១-នេសាទដោយឧបករណ៍លបលូ រួមមាន៖ ក្បាលលបលូចំនួន០៧ គ្រឿង របាំងសាច់អួនប្រវែង ៧៥០ម៉ែត្រ ចម្រឹងចំនួន ៣៥០ ដើម និងករណីទី២ ប្រើប្រាស់ឧបករណ៍ស្បៃមុង រួមមាន៖ ក្បាលស្បៃមុងចំនួន ៤គ្រឿង របាំងសាច់ស្បៃមុងប្រវែង៤៥០ ម៉ែត្រ និងចម្រឹង ចំនួន៣០០ ដើម ។ ក្នុងប្រតិបត្តិការនេះប្រើប្រាស់កម្លាំងសរុបចំនួន ៤៧ នាក់ កាណូតចំនួន ០៧គ្រឿង ។