សៀមរាប៖ ថ្ងៃអង្គារ ១៤កើត ខែមាឃ ឆ្នាំ រោង ឆស័កព.ស ២៥៦៨ ត្រូវនឹងថ្ងៃទី១១ ខែកុម្ភៈ ឆ្នាំ២០២៥ លោក ហ៊ុន រស្មី ប្រធានការិយាល័យនីតិកម្មកសិកម្ម និងសហការីបានសហការជាមួយអង្គការ អាយ ឌី អី (iDE) គម្រោង ស៊ី ស្មាត( Csmart ) បានផ្ដល់វគ្គបណ្តុះបណ្តាលស្តីពី ““ វិធានសុវត្ថិភាព និងប្រសិទ្ធភាព ក្នុងការប្រើប្រាស់ថ្នាំជីកសិកម្មលើដំណាំ ”” សម្រាប់បុគ្គលិកក្រុមហ៊ុនលក់ធាតុចូលកសិកម្ម នៅក្នុងខេត្តសៀមរាប ក្រោមអធិបតីភាពលោក ប៉ែន ប៊ុនធឿន អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងមានការអញ្ជើញចូលរួមមានប្រធានការិយាល័យកសិកម្ម  ធនធានធម្មជាតិ និងបរិស្ថានស្រុកពួក ប្រាសាទបាគង  ស្វាយលើ ក្រឡាញ់ បន្ទាយស្រី ជីក្រែង អង្គរធំ និងស្រុកវ៉ារិន ដែលមានអ្នកចូលរូមសរុប ៣៥នាក់ ស្រី០៣នាក់។ កម្មវិធីនេះប្រព្រឹត្តិនៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្ត។