សៀមរាប៖ ថ្ងៃអង្គារ ១៤កើត ខែមាឃ ឆ្នាំ រោង ឆស័កព.ស ២៥៦៨ ត្រូវនឹងថ្ងៃទី១១ ខែកុម្ភៈ ឆ្នាំ២០២៥ លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោក ធិននី សុទ្ធី នាយខណ្ឌរដ្ឋបាលជលផលសៀមរាប អមដំណើរឯកឧត្តម អ៊ឹង គឹមលាង អភិបាលរង នៃគណៈអភិបាលខេត្តសៀមរាប នាំយកអំណោយឧបត្ថម្ភដល់កងកម្លាំងយោធភូមិភាគទី៤ មានទឹកសុទ្ធ ៥០យួរ មី៥កេស ជូនដល់កម្លំាងបញ្ជាការដ្ឋានជួរមុខភ្នំក្រោមរបស់យុទ្ធភូមិភាគទី៤ និងបានចុះបង្ក្រាបបទល្មើសនេសាទប្រើប្រាស់ឧបករណ៍ខុសច្បាប់ ក្នុងដែននេសាទសហគមន៍ចុងឃ្នៀស ចំណុចជ្រោយមាលៀងចំនួន ០២ករណី ដោយក្រុមការងារបានធ្វើការកាប់បំផ្លាញចោលនៅនឹងកន្លែងរួមមាន៖ ក្បាលលបរ៉ាវ ចំនួន ១៣ ឡុក របាំងសាច់អួនប្រវែង ១ ៣០០ម៉ែត្រ ចម្រឹងចំនួន ៤ ៥៣០ដើម លបប្រឹស១០០ ចំនួន១៧លប មានប្រវែង ១៧០ម៉ែត្រ។ ក្នុងប្រតិបត្តិការនេះបានប្រើប្រាស់កម្លំាង ៤០នាក់ និងកាណូតចំនួន ៨ គ្រឿង។