សៀមរាប៖ ថ្ងៃសុក្រ២រោច ខែមាឃ ឆ្នំារោង ឆស័ក ព.ស ២៥៦៨ ត្រូវនឹងថ្ងៃទី១៤ ខែកុម្ភៈឆ្នាំ២០២៥  លោក សឹម ធរដ្ឋ អនុប្រធានការិយាល័យផលិតកម្ម និងបសុព្យាបាល បានសហការជាមួយក្រុមការងារអគ្គនាយកដ្ឋានសុខភាពសត្វនិងផលិតកម្មសត្វដែលដឹកនាំដោយលោក ហាក់ សុចិត្រា អនុប្រធានការិយាល័យគ្រប់គ្រងមន្ទីរព្យាបាលសត្វ បានចុះពិនិត្យ និងណែនាំកន្លែងពិនិត្យ និងព្យាបាលសត្វនូវចំណុចខ្វះខាតមួយចំនួនពាក់ព័ន្ធនិងទីកន្លែងក្នុងការពិនិត្យ និងព្យាបាលសត្វ និងកន្លែងរក្សាទុកសត្វដែលត្រូវពិនិត្យនិងព្យាបាលបន្តដោយមិនត្រូវដាក់ខាងមុខត្រូវមានបន្ទប់មួយដាច់ដោយកន្លែងនៅប៉ែកខាងក្រោយ ការប្រើថ្នាំសម្លាប់ឬបង្អន់ការលូតលាស់របស់មេរោគត្រូវប្រើថ្នាំដែលមានចុះបញ្ជីការត្រឹមត្រូវ ការរក្សាទុកថ្នាំការពារជំងឺត្រូវមានទូរទឹកកកដាច់ដោយឡែកមិនត្រូវលាយឡំជាមួយ និងភេជ្ជៈឬចំណីអាហាររបស់មនុស្ស ត្រូវសហការជាមួយការិយាល័យផលិតកម្មនិងបសុព្យបាលក្នុងការផ្តល់ទិន្នន័យពិនិត្យព្យាបាលសត្វ និងការចាក់ថ្នាំការពារជារៀងរាល់ខែ។ ចំពោះកន្លែងដែលមិនទាន់មានលិខិតអនុញ្ញាត្តក្នុងការពិនិត្យនិងព្យាបាល  ក្រុមការងារបានណែនំាត្រូវទៅសុំច្បាប់អនុញ្ញាតពីរដ្ឋបាលខេត្ត (អង្គភាពច្រកចេញចូលតែមួយ)។