សៀមរាប៖ ថ្ងៃសុក្រ៩រោច ខែមាឃ ឆ្នាំរោង ឆស័កព.ស២៥៦៨ ត្រូវនឹងថ្ងៃទី ២១ ខែ កុម្ភៈ ឆ្នាំ២០២៥ លោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប អញ្ជើញចូលរួមជាអធិបតីក្នុងមហាសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅអនុវត្តបន្ត របស់សហភាពសហគមន៍កសិកម្មសៀមរាបមានជ័យ។  អញ្ជើញចូលរួមមានលោក វណ្ណលី វីរីយ៉ា អនុប្រធាននាយកដ្ឋានអភិវឌ្ឍន៍សហគមន៍កសិកម្ម នៃអគ្គនាយកដ្ឋានកសិកម្ម តំណាងសម្ព័ន្ធសហគមន៍កសិកម្មកម្ពុជា អង្គការអាដដា-រីដា ដៃគូរអភិវឌ្ឍន៍ គម្រោងនានា ក្រុមហ៊ុនជីកសិកម្ម តំណាងសហគមន៍កសិកម្ម សរុបប្រមាណ ១០៥នាក់ ស្រី ៦២នាក់ ដែលប្រព្រឹត្តទៅនៅស្ថានីយស្រាវជ្រាវកសិកម្មទឹកវិល។។  តាមសេចក្តីរាយការណ៍របស់សហភាពសហគមន៍កសិកម្មសៀមរាបក្នុងឆ្នាំ២០២៤ សហភាពបានបង្កើតមុខរបរអាជីវកម្ម ដើម្បីគាំទ្រដល់សហគមន៍កសិកម្មជាសមាជិក ដូចជា៖ ១-សម្របសម្រួលទីផ្សារមាន់ស្រែ ២-សម្របសម្រួលទីផ្សារបន្លែចម្រុះ ៣-ផ្គត់ផ្គង់ធាតុចូលកសិកម្ម ដោយទទួលបានលទ្ធផលល្អគួរឲ្យកត់សំគាល់។