លោក ប៉ែន ប៊ុនធឿន អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងជាប្រធានគ្រប់គ្រងកម្មវិធី ASPIRE-AT រួមជាមួយលោក សួន សិលា ទីប្រឹក្សាកម្មវិធី ASPIRE-AT ខេត្តសៀមរាប បានអមដំណើរលោក ស៊ុន បូរេត ប្រធានក្រុមទីប្រឹក្សា និងក្រុមការងារលេខាធិការដ្ឋានកម្មវិធី ASPIRE-AT  ចុះជួបជាមួយថ្នាក់ដឹកនាំសហគមន៍កសិកម្ម ដែលបានស្នើសុំការគាំទ្រហេដ្ឋារចនាសម្ព័ន្ធ និងកម្ចីឥណទានសម្រាប់អាជីវកម្មសហគមន៍កសិកម្ម ខ្សែច្រវាក់ផលិតកម្ម ក្នុងគោលបំណងធ្វើការត្រួតពិនិត្យ និងវាយតម្លៃលើលទ្ធភាពគាំទ្រផ្នែកហេដ្ឋារចនាសម្ព័ន្ធ និងការគាំទ្រលើសំណើរកម្ចីសហគមន៍ និងសមាជិក ។ ជាលទ្ធផលក្រុមបេសកកម្មបានចុះជួបពិភាក្សាជាមួយសហគន៍កសិកម្មចំនួន៤ ក្នុងនោះរួមមាន៖

១-សហគមន៍កសិកម្ម ទំនើបសសី នៅភូមិថ្មជល់ ឃុំត្បែង ស្រុកបន្ទាយស្រី

២-កសិដ្ឋាន ឈាវ ហុង អេកូហ្វាម នៅភូមិសំរោង ឃុំសំរោង ស្រុកសូទ្រនិគម

៣-សហគមន៍មាន់ស្រែធម្មជាតិ សុវត្ថិភាពកៀនសង្កែ នៅភូមិជ្រៃខាងជើង ឃុំកៀនសង្កែ ស្រុកសូទ្រនិគម

៤-សហគមន៍កសិកម្ម បន្លែសុវត្ថិភាពធម្មជាតិ នៅភូមិជ្រៃខាងត្បូង ឃុំកៀនសង្កែ ស្រុកសូទ្រនិគម ។